Unións Agrarias - UPA

Unións Agrarias promove en Boimorto un curso de ‘Auxiliar de axuda a domicilio’ en colaboración con Fademur

Unións Agrarias de Arzúa promove un curso de ‘Auxiliar de axuda a domicilio’ en Boimorto en colaboración coa Federación de Asociacións de Mulleres Rurais (Fademur). A actividade, que comezará o 2 de maio, enmárcase nun proxecto de fomento do autoemprego e do cooperativismo que está a desenvolver Fademur en Galicia. O seminario, ó que poderán asistir 30 mulleres, busca que as participantes estean capacitadas ó remate do curso para desenvolver iniciativas de autoemprego. O curso desenvolverase durante catro semanas en horario de 9 a 11.30 horas da noite na Casa da Cultura de Boimorto.

Fademur, entidade ligada a Unións Agrarias, incide en que a posta en marcha da Ley de Dependencia supón unha oportunidade de creación de emprego no rural en servizos de atención a domicilio. No rural, rexístrase un maior grado de envellecemento da poboación e unha menor disponibilidade de servizos, factores que, unidos á dispersión poboacional, esixirán no marco da Ley da Dependencia un serio fortalecemento dos servizos de atención a domicilio.

A Ley de Dependencia, que entrou en vigor no 2007, ofrecerá progresivamente de aquí ó 2015 servizos e prestacións públicas a tódalas persoas dependentes. Con motivo da posta en marcha da Ley de Dependencia, Fademur iniciou accións formativas en toda Galicia de cara a fomentar a creación de cooperativas de servizos de proximidade que poidan acceder a contratos coas Administracións públicas. Un dos primeiros proxectos púxose en marcha recentemente no Carballiño.

O curso que se desenvolverá en Boimorto, de carácter gratuito e dirixido a mulleres desempregadas, comezará o 2 de maio, estando xa cubertas a práctica totalidade das prazas.

A Federación de Asociacións de Mulleres Rurais insta tamén ás Administracións a priorizar a contratación dos servizos de atención a domicilio con cooperativas, empresas ou autónomas locais, en lugar de recurrir a empresas foráneas. Fademur entende que a contratación de emprego local, nomeadamente de mulleres do rural, constitúe un dos mellores xeitos posibles de contribuir ó desenvolvemento rural. Nos concellos do rural, a taxa de emprego feminino é moi inferior á masculina (arredor de 20 puntos), non existindo a penas alternativas ó sector primario.