|
Axudas vixentes
Axudas para a moratoria dos préstamos vinculados coa mellora de explotacións e incorporación das persoas mozas á actividade agraria. Para explotacións de leite e carne que pidan un ano de carencia na amortización do préstamo dun plan de mellora do ano 2007 en diante, xa certificado, e que non se lle concedera carencias especiais en anteriores convocatorias. Prazo: ata o 12 de xuño. Axudas para cubrir as necesidades de liquidez das explotacións leiteiras. A axuda consiste na bonificación de 3,3 puntos dos xuros dos préstamos subscritos por unha cantidade máxima do 90% do RPU e da axuda para compensar as desvantaxes específicas que afectan aos agricultores do sector vacún de leite. O tipo máximo do préstamo será do 5,5%. Prazo: ata o 15 de xuño para solicitar o préstamo e ata o 1 de xullo para solicitar a axuda. Axudas para proxectos de enerxías renovables (solar térmica, fotovoltaica, minieólica e caldeiras de biomasa). Solicitar canto antes porque se conceden por rigorosa orde de solicitude. Axudas para o fomento da utilización de maquinaria en réxime asociativo (CUMAS) Prazo: ata o 29 de maio. Axudas para a creación e mellora de microempresas de aproveitamentos forestais Prazo: ata o 29 de maio. Axudas de compensacións complementarias en explotacións de gando bovino, ovino e cabrún, e axudas para a compra de gando bovino, ovino e cabrún que teñan por obxecto a reposición das reses, como consecuencia do sacrificio obrigatorio de gando en execución de programas e actuacións oficiais de vixilancia, loita, control e erradicación de enfermidades dos animais. Prazo: ata o 31 de maio para a reposición no caso de baleiro sanitario nos anos 2010, 2011 ou 2012. Dentro do primeiro mes posterior á data en que sexa entregado o documento oficial que autoriza a incorporación de gando na explotación no caso de axudas por lucro cesante no período de postautorización á reintrodución. E ata o 30 de setembro no resto dos casos. Axudas á apicultura. Para explotacións apícolas inscritas no rexistro oficial apícola, cooperativas apícolas e asociacións de apicultores. Prazo: ata o 10 de xuño. PARA TRAMITAR ESTAS E OUTRAS AXUDAS PASATE POLA OFICINA DE UNIONS AGRARIAS-UPA MAIS CERCANA O TEU DOMICILIO
 Volver
|
