Séguenos en

O sindicato Unións Agrarias ven de reclamar hoxe por carta ao secretario xeral da Consellería de Medio Rural, Tomas Fernández Couto a convocatoria, a maior brevidade posible, da Mesa do Viño de Galicia para abordar a situación da produción nas denominacións de orixe galegas.

A campaña de vendima 2012, estivo caracterizada por unha forte baixada da produción respecto ó ano anterior, chegando a caer case un 58% no caso da D.O. Rías Baixas. Do mesmo xeito os malos resultados obtidos, das negociacións dos contratos homologados de compravenda de uva, xunto a situación económica na que se atopan milleiros de viticultores coloca ao sector ante un panorama moi preocupante.

Desde Unións Agrarias ponse de manifesto que a forte recesión que están a sufrir os produtores e as incertezas que xera  a vindeira campaña vitícola. Por todo iso é importante  a convocatoria con urxencia da  Mesa do Viño de Galicia, co fin de por en marcha as negociacións para o establecemento dos contratos homologados en tódalas denominacións de orixe.