A Casa da Cultura de Arzúa acolleu hoxe unha charla para desvelar as evidencias e as incertezas que o cambio climático está a provocar no subsector gandeiro galego e difundir sistemas de xestión, así coma o manexo dunha serie de estratexias de mitigación e adaptación do subsector gandeiro ante o cambio climático.

Na xornada desenvolvéronse os relatorios, nos que se puxeron sobre a mesa diversas consideracións sobre as repercusións do cambio climático no subsector gandeiro, ademais de propor unha serie de estratexias de mitigación e adaptación deste sector ao cambio climático. Así mesmo, falouse do aproveitamento da enerxía solar a través de instalacións de paneis fotovoltaicos ou placas solares nos tellados de explotacións gandeiras e agrícolas.

Para rematar, tivo lugar unha mesa redonda, na que os participantes achegaron os seus puntos de vista sobre as melloras de xestión e manexo no subsector fronte ao cambio climático.