O sindicato Unións Agrarias denuncia a falta de veterinarios da Consellería do Medio Rural para colocar os crotais e inscribir os becerros das explotacións. Deste xeito, cando os gandeiros chaman ao Teléfono de Información Agraria, remítenos ao Seaga e alí xustifícanse dicindo que teñen a 10 dos 36 veterinaros de vacacións e que non teñen persoal para cursar a petición.

Esta situación de abandono ten especial incidencia no Corgo, onde os titulares das explotacións teñen que esperar máis de 15 días ata que, despois de moito insistir, o persoal de Seaga lle coloca o crotal ao becerro, co que supón de perda de tempo e diñeiro para o gandeiro.

Unións Agrarias esixe de Medio Rural que dote adecuadamente de persoal os servizos que ten que dar ás explotacións, xa que non é de recibo que a pretendida austeridade de Feijóo sempre se aplique aos gandeiros e ao rural en xeral.