Presentación

Nos meses de xuno, xullo e agosto de 2012 Unións Agrarias levou a cabo 10 accións formativas en toda Galicia có obxectivo de contribuír á Prevención de Riscos Laborais nos sectores agrogandeiro e forestal co patrocinio da Consellería de Traballo e Benestar da Xunta de Galicia.

A seguridade laboral é un componente inseparable do traballo, sendo unha parte integrante do mesmo e inherente a súa constitución e a súa natureza. Só existe unha forma correcta de realizar un traballo: a forma segura.

Moitas persoas seguen pensando, hoxe en día, que a actividade agropecuaria está case por completo exenta de riscos e que, por tanto, son inocuas para quenes as realizan. Esta falsa convicción é froito, entre outras causas, do grande desconecemento que existe entre a poboación urbana sobre a actividade agraria, así como da pouca repercusión mediática que ten o problema dos riscos laborais na actividade agraria.

O agro ocupa o terceiro lugar entre as actividades de máis perigo, xuntamente coa construción e a minería. O uso indebido de máquinas e produtos químicos é a principal causa de lesións nas explotacións agrícolas.

Os accidentes indican, moitas veces por desgraza, que algo se pode mellorar. Suceden porque tenen unhas causas naturais, que poden investigarse e non son froito do azar ou da mala sorte. Neste principio baséase a acción preventiva, orientada a elimina-los riscos e evita-los accidentes.

Esperamos dende este espazo dotar de información a todos os visitantes e orientación axeitada en relación coa Prevención de Riscos Laborais no traballo.