Unións Agrarias denuncia que na constitución por parte de Medio Rural da chamada Mesa da Castaña de Galicia, non se tivera en conta aos produtores. Non se entende que desde a Consellería non se convidase a participar no encontro fundacional ás organizacións agrarias como lexítimas representantes do sector produtor.
A organización agraria, que conta 3 dos de 6 vogais da IXP Castaña de Galicia e dúas asociación sectoriais que traballan a prol da formación e difusión nas principais comarcas produtoras de castaña, lamenta o sectarismo co que nace o novo órgano de representación, que polo que parece reponde mais a ansias publicitarias que a dar representatividade ao sector.
Neste sentido, o modelo de convocatoria desta mesa de representación causou un fondo malestar en comarcas produtoras como as de Viana do Bolo, A Gudiña, etc que ven como novamente se actúa desde a Xunta completamente de costas ao sector o igual que no seu día se investiron 166.000 euros a un proxecto fallido como o chamado Centro de Desenvolvemento Agroforestal de Riós, mentres se negaban as axudas directas aos produtores para contrarrestar as perdas das xeadas.
