DOG 20 de setembro (179)
III. OUTRAS DISPOSICIÓNS
CONSELLERÍA DO MEDIO RURAL
Modificación de prazo.- Orde do 10 de setembro de 2019 pola que se modifica o prazo de xustificación da Orde do 30 de abril de 2019 pola que establecen as bases reguladoras das axudas para o fomento da utilización de maquinaria agrícola en réxime asociativo en Galicia, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2019 (código de procedemento MR351A).
Amplíase ata o 20 de decembro de 2019 (incluído) o prazo para executar e xustificar estas axudas.
Modificación de prazo de presentación da licenza municipal.- Orde do 17 de setembro de 2019 pola que se modifica o prazo de presentación da licenza municipal de obra e dos diferentes permisos administrativos previstos na Orde do 7 de maio de 2019 pola que se establecen as bases reguladoras das axudas destinadas ao fomento da utilización de instalacións e equipamentos en común en réxime asociativo, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2019 (código de procedemento MR323C).
A data de presentación da licenza municipal e do resto de permisos administrativos, amplíase ata o 20 de outubro de 2019, inclusive.
AXENCIA GALEGA DE INFRAESTRUTURAS
Notificación.- Anuncio do 3 de setembro de 2019, do Servizo Provincial da Coruña, polo que se notifica o trámite de audiencia efectuado no expediente de expropiación forzosa para a execución da obra vía de alta capacidade Carballo-Berdoias, no concello de Vimianzo, por enderezo incorrecto.
