DOG 25 de outubro (204)
III. OUTRAS DISPOSICIÓNS
CONSELLERÍA DE MEDIO AMBIENTE, TERRITORIO E VIVENDA
Plan estatal vivenda.- Resolución do 18 de outubro de 2019 pola que se modifica a Resolución do 15 de xullo de 2019 pola que se establecen as bases reguladoras das subvencións dos programas de fomento de mellora da eficacia enerxética e sustentabilidade e de fomento da conservación, da mellora da seguridade de utilización e da accesibilidade en vivendas do Plan estatal de vivenda 2018-2021, e se convocan para o ano 2019, con carácter plurianual (código de procedemento VI422E).
En ningún caso se admitirá a presentación de documentación xustificativa, parcial ou final, da subvención con posterioridade ao 30 de novembro de cada unha das anualidades comprendidas na resolución de concesión, salvo que o requirimento sinalado no número anterior se fixese dentro dos dez (10) días anteriores a esa data. Non obstante, cando concorran circunstancias que así o xustifiquen, poderase demorar a citada data mediante resolución da persoa titular da Dirección Xeral do Instituto Galego da Vivenda e Solo, que terá efecto logo da súa publicación no Diario Oficial de Galicia.
AXENCIA GALEGA DA CALIDADE ALIMENTARIA
Proxectos piloto ámbito agroforestal.- Resolución do 22 de outubro de 2019 pola que se modifica a Resolución do 26 de decembro de 2018, da Axencia Galega da Calidade Alimentaria, pola que se establecen as bases reguladoras para a concesión, en réxime de concorrencia competitiva, das axudas para o apoio de proxectos piloto para o desenvolvemento de novos produtos, prácticas, procesos e tecnoloxías no ámbito agroforestal, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2019.
Amplíase ata o 15 de novembro de 2019 (incluído) o prazo para executar e xustificar estas axudas na primeira anualidade.
VI. ANUNCIOS
CONSELLERÍA DE MEDIO AMBIENTE, TERRITORIO E VIVENDA
Explotación avícola.- Anuncio do 15 de outubro de 2019, da Dirección Xeral de Calidade Ambiental e Cambio Climático, polo que se fai público o informe de impacto ambiental do proxecto de ampliación dunha explotación avícola na parroquia de Congostro, no concello de Rairiz de Veiga (Ourense) (expediente 2019/0097).
CONSELLERÍA DE ECONOMÍA, EMPREGO E INDUSTRIA
Eólicos.- Resolución do 16 de setembro de 2019, da Dirección Xeral de Enerxía e Minas, pola que se outorgan as autorizacións administrativas previa e de construción do parque eólico Corme modificación substancial (repotenciación do parque eólico Corme G-3), sito no concello de Ponteceso (A Coruña) e promovido por EDP Renovables España, S.L.U. (expediente IN661A 2018/1-1). (Extracto)
Instalación eléctrica.- Resolución do 4 de outubro de 2019, da Xefatura Territorial da Coruña, pola que se concede a autorización administrativa previa e de construción dunha instalación de distribución eléctrica nos concellos de Zas e Vimianzo (expediente-e IN407A 2019/124-1).
CONSELLERÍA DO MEDIO RURAL
Concentración parcelaria.- Anuncio do 11 de outubro de 2019, da Xefatura Territorial de Pontevedra, de notificación do inicio do prazo de emenda e mellora, en relación co expediente de concentración parcelaria de Tremoedo (Vilanova de Arousa-Pontevedra), en modificacións de bases definitivas.
Concentración parcelaria.- Anuncio do 11 de outubro de 2019, da Xefatura Territorial de Pontevedra, de notificación dunha resolución de modificación das bases definitivas na zona de concentración parcelaria de Tremoedo (Vilanova de Arousa-Pontevedra).
Concentración parcelaria.- Anuncio do 14 de outubro de 2019, da Xefatura Territorial da Coruña, polo que se citan, para seren notificados por comparecencia, varios afectados pola revisión gráfica e documental da zona de concentración parcelaria de Covas-Esmelle-Marmancón-Mandiá (Ferrol-A Coruña).
BOP A Coruña 25 de outubro (204)
CONSELLERÍA DE INFRAESTRUTURAS E MOBILIDADE
Expropiacións.- Resolución do 22.10.2019 do Servizo Provincial da Axencia Galega de Infraestruturas da Coruña, pola que se acorda realizar o pagamento do xustiprezo de Xurado por expropiacións para a obra de clave AC/16/088.06 no concello de Brión.
Expropiacións.- Resolución do 22.10.2019 do Servizo Provincial da Axencia Galega de Infraestruturas da Coruña, pola que se acorda realizar o pagamento do xustiprezo por mutuo acordo por expropiacións para a obra de clave AC/16/108.01 no concello de Santiago.
CEDEIRA
Convocatoria.- Convocatoria de subvencións para o desenvolvemento de programas e actividades por parte de entidades e asociacións socioculturais de ámbito municipal.
Convocatoria.- Convocatoria de subvencións para investimentos na área sociocultural por parte de entidades e asociacións de ámbito municipal.
A CORUÑA
Igualdade.- Aprobación definitiva da ordenanza municipal da Coruña para a igualdade na diversidade.
TOQUES
Incendios forestais.- Aprobación do Plan de prevención de incendios do Concello de Toques.
BOP Lugo 25 de outubro (245)
OUTEIRO DE REI
Expropiacións.- Aprobación proxecto obra e relación de bens e dereitos a expropiar.
BOP Pontevedra 25 de outubro (206)
MOAÑA
Incendios forestais.- Aprobación inicial do Plan municipal de prevención e defensa contra os incendios forestais do concello de Moaña.
