Xa estamos un pouco máis preto de conseguir que a Xunta de Galicia asuma a xestión do xabaril! O 3 de outubro presentamos no rexistro do Parlamento as máis de 6.500 sinaturas que recollemos en apenas 25 días, e que dan boa mostra do sentir popular e das solucións que agricultores e gandeiros demandan para un problema que vai a máis. 15 millóns anuais en danos ás colleitas, ata 7 accidentes de tráfico ao día e a ameaza dun posible contexio da peste porcina africana á industria cárnica de porcino son motivos máis que suficientes para que o goberno galego se involucre!
