Cambados, 5 de agosto de 2020.- UUAA pide á Consellería do Medio Rural a convocatoria inmediata da Mesa de Rías Baixas para establecer unha base de traballo leal e eficaz de cara a acometer a inminente vendima. Desta negociación haberían de saír o prezo da uva, que cando menos ten que manterse; xa que en contra do que se estimaba de xeito interesado por algunhas adegas nesta campaña non haberá excedentes de produción.
Para a organización agraria resulta estraño que tras o anuncio por parte da Consellería do Medio Rural de activar axudas ás adegas para a compra de uvas non se poida consultar en ningunha fonte o mecanismo polo que se vai a rexer esta liña de apoios.
A organización reclama da Xunta de Galicia que vincule calquera liña de liquidez ás adegas a que estas garantan a recollida da uva a prezos que cubran os custos de produción; e que se obrigue a depositar os contratos de abastecemento nun rexistro público para certificar que estes cumpre coa lexislación vixente.
Neste sentido, Unións Agrarias pide a aplicación estrita da normativa inmersa na Lei da Cadea Alimentaria que desemboque nunha negociación, contractualización e rexistro público de toda a produción de uvas na Denominación de Orixe Rías Baixas.
