Prestación de servizos de asesoramento
a persoas físicas ou xurídicas titulares de explotacións agrícolas ou gandeiras
Resumo do proxecto
Unións Agrarias – UPA presta servizos de asesoramento a máis dun milleiro de persoas físicas ou xurídicas titulares de explotacións agrícolas ou gandeiras no
ámbito da Comunidade Autónoma ata o 31 de agosto de 2025.
O servizo desenvólvese ao abeiro da Orde do 5 de xullo de 2024 pola que se establecen as bases reguladoras das axudas destinadas á prestación de servizos de
asesoramento a persoas físicas ou xurídicas titulares de explotacións agrícolas ou gandeiras, no marco do Plan estratéxico da política agraria común de España
2023-2027, cofinanciadas co Fondo Europeo Agrícola de Desenvolvemento Rural (Feader), e se convocan para o ano 2024 código de procedemento MR616B)
publicada no DOG nº 136 do 15 de xullo de 2024.
Obxectivos
Asesorar ás persoas titulares de explotacións agrícolas ou gandeiras sobre todos os requisitos, condicións e compromisos de xestión que se apliquen aos agricultores e a outras persoas beneficiarias establecidos no Plan estratéxico da PAC, incluídos os requisitos e as normas en materia de condicionalidade e as condicións para as intervencións, así como a información sobre instrumentos financeiros e plans empresariais establecidos no marco do Plan estratéxico da PAC. Así como actualizarlles da información da explotación mediante a plataforma XEAGA.
Resultados
Mellora da competitividade técnica, económica e/ou ambiental de máis dun milleiro de explotacións.
