UNIÓNS AGRARIAS-UPA é unha Organización Profesional Agraria de ámbito nacional galego legalmente constituída ao amparo da Lei 19/77, do 1 de abril, e do Decreto 873/77, do 22 de abril; sen ánimo de lucro, autónoma e independente dos partidos políticos e das administracións públicas, e rexida unicamente pola vontade dos seus asociados e asociadas.
Unións Agrarias-UPa está integrada organicamente a nivel estatal na Unión de Pequeños Agricultores y Ganaderos (UPA), asumindo os seus principios e estatutos.
Na actualidade conta con 31 oficinas comarcais no ámbito da Comunidade Autónoma maila Sede Central, co obxecto de alcanzar un mellor cumprimento dos seus fins, prestar unha atención suficiente e especializada a todos aos seus asociados e asociadas e aplicar as resolucións e directrices dos seus órganos representativos.
O Congreso Nacional Galego é o órgano supremo de UNIÓNS AGRARIAS-UPA. Nos congresos establécense as liñas xerais de actuación, ademais de elixir a Comisión Executiva Nacional Galega.
O 16 de maio de 2025 Unións Agrarias enfrontou a renovación dos seus órganos de goberno no marco do 12º Congreso Nacional. Unha convocatoria celebrada en Santiago de Compostela baixo o lema “Sementando o presente para alimentar o futuro” á que foron chamados 100 delegados.
A Comisión Executiva Nacional Galega é o órgano de dirección permanente de UNIÓNS AGRARIAS-UPA, representándoa tanto interna como externamente. Esta suxeita aos Estatutos de UNIÓNS AGRARIAS – UPA e ás Resolucións do Congreso e do Comité Nacional Galego. É a responsable de tódalas súas actividades, tanto de negociación, representación, etc.
Secretario Xeral
Vicesecretario Xeral
Secretario de Organización, Administración e Área Interna
Secretario de Vacún de Leite e Xuventude
Secretaria de Gandería
Secretaria de Desenvolvemento Rural e Cambio Climático
Secretaria de Agricultura e Dixitalización
Secretaria de Igualdade e Innovaciuón
Secretaria de Migración e Emprego Agrario
1- Os membros que compoñen a Comisión Executiva Nacional Galega.
2- Os/as presidentes/as nacionais sectoriais.
3- Os/as coordinadores/as das Organizacións Sectoriais Territoriais.
4- Os/as responsables dos distintos departamentos
5- Os/as delegados/as das distintas Delegacións Territoriais.