A organización Unións Agrarias ven de solicitar á Consellería do Medio Rural, a convocatoria das mesas do viño nas distintas Denominacións de Orixe para analizar a implantación de mecanismos complementarios de control do fraude nas zonas produtoras vitivinícolas galegas.
Neste sentido, resulta especialmente necesario nas DO ourensás polo papel social que supón o mantemento desta actividade económica nun medio rural demograficamente cada vez mais insostible.
Unións Agrarias cree que para acadar unha mecánica de traballo transparente nos CRDO é imprescindible que unha vez rematada a vendima, se certifique unha aprobación de colleita en todas as denominacións de orixe ligando a este dato a posterior expedición de contraetiquetas.
No escrito presentado por UUAA faise mención tamén a necesidade de establecer un estudo de custes de produción de cara a formular un prezo para as uvas por contrato que reparta de xeito equilibrado e xusto os beneficios da actividade vitivinícola en Galicia.